මෑතකදී පැවති සියලුම මැතිවරණවලදී විපක්ෂයෙන් රජයට නැගුණු ප්‍රබල චෝදනාවක් වූයේ රාජ්‍ය දේපළ හා මාධ්‍ය විශාල ලෙස රජයේ මැතිවරණ ක්‍රියා දාමයට යොදා ගන්නා බවකි.එහෙත් මෙය මේ රජය පමණක් කළ ක්‍රියාවක් යැයි පැවසිය නොහැක.පවතින්නාවූ ඕනෑම රජයක් තම මැතිවරණ කටයුතු සදහා සුලුවෙන් හෝ රාජ්‍ය බලය හා දේපළ යොදා ගන්නා බව නොරහසකි.
එහෙත් මේ තරම් නිර්ලැජ්ජාශීලීව රජය තම මැතිවරණවලට සිය බලය,ධනය,දේපළ හා මාධ්‍ය යොදා ගත් කාලයක් නම් මා දැක නැත.මාධ්‍යවල හැසිරීම නම් ඉතා පිළිකුල් සහගතය.මේ සියල්ලේදී වඩාත් පුදුමය දනවන කාරණාව වන්නේ රජය තමාට තරගයක් නැතයි කියමින්ම,රජය ඉතා ජනප්‍රිය බව කියමින්ම මෙලෙස ඡන්ද ව්‍යාපාරයේ යෙදීමයි.
දැන් අලුතින්ම ප්‍රචාරය වන වෙළද දැන්වීමක් දුටු විට මට ඒ ගැන ලියන්නට ඕනෑ බව සිතුණි .මීට ප්‍රථමයෙන්ද රාජ්‍ය ආයතනවල වෙළද දැන්වීම් අපි දැක ඇත්තෙමු.එහෙත් එය මැතිවරණ ප්‍රචාරක දැන්වීමක ආකාරයක් ගත්තේ නැත.කාලයක් පෞද්ගලික අංශය සතුව තිබූ රක්ෂණ සමාගම වාසුදේව නානයක්කාර මහතාගේ උත්සහයක ප්‍රතිඵලයක් වශයෙන් යළිත් රජයට පවරා ගැනුණි.එය මහින්ද චින්තනයෙන් කරන්නට සිතා සිටි දෙයක්ද නොවේ.කෙසේ හෝ දැන් ප්‍රචාරය වන දැන්වීම පූර්ව මැතිවරණ ප්‍රචාරණයක් බදුය.
සාමාන්‍යයෙන් වැඩි පුර වෙළද දැන්වීම් අවශ්‍ය වන්නේ තම අලෙවිය වැඩි කරගැනීමටය.නැතිනම් බංකොළොත් වන තත්වයක් නිර්මාණය වී ඇති විටෙකඑයින් ගොඩ එන්නටය.කෙසේ වුවත් රාජ්‍ය යාන්ත්‍රණයෙන් වෙන්ව තිබුණු නිසාදෝ රක්ෂණය මෙතෙක් කල් සාර්ථකව ගමන් කරමින් තිබේ.රජයට පවරා ගන්නා විටත් එය රක්ෂණ ක්ෂේත්‍රයේ ප්‍රමුඛයාව සිටියේය.සරලව කියතොත් දැන්වීම්වලින් තොරව වුවද ඉදිරියට යෑමට ශ්‍රී ලංකා ඉන්ෂුවරන්ස් ආයතනයට හැකියාවක් ඇත.එහෙත් වෙළද දැන්වීමක් ප්‍රචාරය කිරීමට ඕනෑම අයෙකුට ඇති අයිතිය ගැන මම ප්‍රශ්න නොකරමි.ප්‍රශ්නය ඇත්තේ එහි අන්තර්ගතයයි.අයෙක් පවසන්නේ "අපේ ජීවිත රැකුනේ ජනාධිපතිතුමා හා මේ රජයට පිං සිද්ධ වෙන්න" යනුවෙනි.තවකෙකු පවසන්නේ ජනාධිපතිතුමා හා මේ රජය තමන්ට විශ්වාස කළ හැකි බවයි.එය දකින මට නම් සිහියට එන්නේ ළගදීම මහ මැතිවරණයක් හා ජනාධිපතිවරණයක් පැවැත්වෙන බවයි.රක්ෂණ සමාගම බංකොළොත් වී නැතත්,වෙළද දැන්වීමකින් පවා තමාට ලකුණු දා ගන්නට උත්සාහ කිරීමට තරම් මේ රජය බංකොළොත් වී ඇත්දැයි මට සිතේ.කාලයක් ටෙලි නාට්‍යයක රගපාන නලු නිළියන් යොදා ගෙන සන්ධානය මිනිත්තු 30ක ඡන්ද ප්‍රචාරක වැඩසටහනක් කළ බවද අපට මතකය.මෙහෙම ගියාම බලන්න ප්‍රවෘත්ති හා වැඩසටහන් පමණක් නොව වෙළද දැන්වීමුත් නැති වෙනු ඇත.
මෙතෙක් අප මධ්‍යස්ථ යැයි සිතා සිටි ඇතැම් පෞද්ගලික මාධ්‍යද දැන් රජයට කඩේ යෑමට පටන් ගෙන තිබේ.ඒ බව ඔවුන් ගේ හරබර,සමබර පුවත් විකාශවලින් පෙනේ.මට හැගෙන ආකාරයට ඉහත කී වෙළද දැන්වීම අවසානයේ "මෙම දැන්වීම මුදල් ගෙවා ප්‍රචාරය කරන ලද්දකි." යනුවෙන් සදහන් වේ නම් වඩාත් උචිත වනු ඇත.
If you can't read,please click on here.
Subscribe to:
Post Comments (Atom)
of course private news telecasts are also biased now,king pumbanawa hara wadak ne eyalatat
ReplyDelete